„Flest þekkjum við Oddnýju sem heiðarlegan og málefnalegan stjórnmálamann sem lætur hjartað ráða för. En samstarf mitt við hana færði mig einnig í sanninn um að hún er líka gallhörð og óhrædd við að taka erfiðar ákvarðanir að vandlega athuguðu máli og fylgja þeim eftir. Það er eiginleiki sem skortur er á í íslenskri pólitík – Því styð ég Oddnýju sem næsta formann Samfylkingarinnar.“
,,Oddný er klár, hún er jafnaðarmanneskja í húð og hár og ég treysti henni til að taka góðar ákvarðanir. Hún er ekki freki kallinn, en það er hann sem við þurfum að útrýma úr stjórnmálum. Við þurfum skynsama og heiðarlega stjórnmálamenn og þar fer Oddný fremst meðal jafningja.“
,,Oddný er yfirburðarmanneskja í öllu sem hún tekur sér fyrir hendur. Hún verður formaður allra jafnaðarmanna og þess vegna kýs ég hana“
,,Oddný hefur alltaf komið fram af heilindum og sýnt vönduð vinnubrögð í starfi sínu. Hún hefur sýnt sanngirni, æðruleysi og öfgaleysi í umræðunni og mér finnst hún kjörin til að skapa jákvæðari og uppbyggilegri sýn á framtíð okkar samfélags.“
,,Samfylkingin þarf formann sem er sannur málsvari jafnaðarstefnunnar í velferðar- og menntamálum en hefur jafnframt trúverðuleika þegar kemur að efnahagsmálum. Oddný hefur allt þetta til að bera.“
,,Oddný er eldklár og traust. Og ég treysti henni vel til að vinna að jöfnuði í samfélaginu.“
,,Ég styð Oddnýju því hún er traust og vönduð og heldur ró sinni þó mikið gangi á. Hún er líka einstaklega kappsöm og Samfylkingin þarf svo sannarlega á þeim eiginleika hennar að halda núna.“
,,Ég styð Oddnýju til formanns Samfylkingarinnar. Hún er fylgin sér, hefur mikla reynslu af stjórnmálum hvort sem er á Alþingi eða í sveitarstjórnarmálum, í skólamálum eða í opinberum rekstri. Jafnframt er hún mikil fjölskyldukona, hjartahlý og heil í því sem hún tekur sér fyrir hendur. Hún er fyrirmynd fyrir okkur öll og er klárlega með jafnaðarstefnuna á hreinu. Takk Oddný fyrir að bjóða þig fram sem formann Samfylkingarinnar.“
,,Ég kýs Oddnýju. Hún er skynsöm, greind og yfirveguð. Ég er sannfærð um að það verður mikið gæfuspor fyrir Samfylkinguna ef hún nær kjöri sem næsti formaður flokksins.“
,,Að mínu mati hefur Oddný það sem þarf til að leiða okkur jafnaðarmenn. Hún er réttsýn, hún kynnir sér öll mál til hlítar og hún er svo ótrúlega heilsteypt, gáfuð og yndisleg manneskja. Ég vil sjá Oddnýju sem næsta formann Samfylkingarinnar og hún er vissulega vel að þeim titli komin.“
,,Oddný er traust og yfirveguð manneskja sem hefur sýnt að hún er með hjartað á réttum stað. Hún sýndi kunnáttu og yfirvegun sem fjármálaráðherra og sýndi í verki að hún berst gegn spillingu og kjördæmapoti. Ég treysti Oddnýju og tel að hún verði góður formaður í Samfylkingunni minni.“
,,Oddný er gegnheil og ég treysti henni 100% til að forgangsraða í þágu jafnaðarstefnunnar.“
,,Yfirvegun, skynsemi og úthald eru góðir eiginleikar á óvissutímum. Þá hefur Oddný í ríkum mæli. Hún verður góður formaður.“
,,Ég styð Oddnýju til formanns Samfylkingarinnar vegna þess að hún er lausnamiðuð og sanngjörn. Einnig hreinskiptin og hlý manneskja.”
,,Auðvitað ætla ég að kjósa hana Oddnýju. Hún er rökföst hugsjónamanneskja, sanngjörn, vel menntuð og alþýðleg. Ég tel að reynsla hennar af skólastarfi og sveitarstjórnarmálum sé ómetanleg og veit að hún nýtur virðingar fyrir störf sín á Alþingi. Ég er sannfærður um að það verður gæfuspor að fá hana til að leiða Samfylkinguna, flokk jafnaðarmannastefnunnar á Íslandi næstu árin.”
,,Oddný er heiðarleg, úrræðagóð, hnitmiðuð, greind, umhyggjusöm og hún er vonarstjarnan”
,,Oddný er sannur jafnaðarmaður með hjartað á réttum stað og hún skilur mikilvægi samspils öflugs atvinnulífs og öflugs velferðarkerfis. Ég styð hana sem næsta formann Samfylkingarinnar”.
,,Ég styð Oddnýju Harðardóttur vegna þess að hún er einlægur jafnaðarmaður og þegar valið stendur á milli hæfrar konu og hæfra karla, kýs ég konuna.”
,Oddný hefur til að bera gáfurnar, þekkinguna og leiðtogahæfnina sem Samfylkingin þarf á að halda. Ég treysti henni best af öllum til að leiða flokkinn út úr þeim ógöngum sem hann er í dag og safna saman sterkri liðsheild til að vinna að því sem skiptir máli, réttlátara samfélagi.
,,Það mun reyna á forystufólk jafnaðarmanna á næstu misserum – ég treysti Oddnýju Harðardóttur til að leiða baráttu flokksins fyrir samfélagi réttlætis, umburðarlyndis og jafnréttis.”
,,Ég kynntist Oddnýju þegar hún varð fjármálaráðherra, fyrst kvenna á Íslandi. Það var frábært að vinna með Oddnýju. Hún er klár, leggur áherslu á jafnréttismál, fagleg fram í fingurgóma og góður leiðtogi.”
„Oddný er rétti formaður Samfylkingarinnar sem með eindrægni en yfirvegun getur komið stefnu Samfylkingarinnar um jafnrétti og jöfnuðar til kjósenda með trúverðilegum hætti. Við hjónin Þorbjörg og ég styðjum hana til formennsku í Samfylkingunni.”
„Ég kýs Oddnýju vegna þess að hún er góð í öllu sem hún tekur að sér. Hún var góður ráðherra, er góður þingmaður og er TREYSTANDI fyrir að koma baráttumálum sínum og okkar áfram.”
,,Oddný hefur þá fjölbreyttu reynslu og þekkingu á kjörum almennings sem formaður jafnaðarmannaflokks þarf að hafa”
,,Oddný gengur í verkin einlæg, yfirveguð og ákveðin og hefur vaxið með verkefni hverju og áskorun. Ég er þess fullviss að vegur jafnaðarstefnunnar á Íslandi eykst verði hún formaður Samfylkingarinnar.”
,,Ég kýs Oddnýju af því að ég treysti henni best til að vinna jafnaðarstefnunni fylgi og berjast fyrir réttlæti almennings í landinu.“
,,Ég kýs Oddnýju vegna þess að hún er traust, dugleg og mikill jafnaðarmaður.“
,,Besta fólkið til að stjórna landinu fyrir íslensku þjóðina er fólk sem er heiðarlegt og hæverskt, hefur hugsjón og brjóstvit og bullandi kjark til að breyta gamla Íslandi í nýtt Ísland. Þetta hefur Oddný og þess vegna ætla ég að kjósa hana til formanns Samfylkingar“.
,,Oddný er traustur, áreiðanlegur og heiðarlegur jafnaðarmaður með mikla reynslu. Þess vegna kýs ég hana.“
,,Ég tel Oddnýju Harðardóttur hæfasta til að leiða Samfylkinguna útúr núverandi ógöngum og í átt til nýrra og bjartari tíma.“
„Ef það er eitthvað eitt sem Samfylkingin þarf á að halda nú um stundir þá er það traust. Samkvæmt minni reynslu er fólki af Suðurnesjunum betur treystandi en öðru fólki. Oddný er með fantafína reynslu af sveitarstjórnarmálum, þingmennsku og sem ráðherra; auk þess að vera staðföst og réttsýn jafnaðarkona. Þess vegna fær hún minn stuðning.“
„Oddný er gegnheill jafnaðarmaður og traust manneskja – íhugul og yfirveguð. Ég treysti henni öðrum fremur til forystu fyrir okkur jafnaðarmenn.“
